النجم العراقي :::::موؤسس المنتدى:::::
عدد الرسائل : 142 تاريخ التسجيل : 19/09/2007
| موضوع: واحد يتصل بالوطن من برة الثلاثاء أكتوبر 02, 2007 8:49 am | |
| اكو واحد عراقي وعنده نقال يدگ من الغرب مثل اليدگون يخابر عالوطن بس يسمع اصوات الوطن خارج نطاق الخدمه يحچون استحه گال النطاق اشلون ذباه وخطيه اجنوده چا بيمن يخدمون ماصدگ خرج عن النطاقات لان بلا نطاق اجوع البطون ورجع خابر سمع واحد يحاچيه گله الوطن مغلق لاتطلبون صاح اشلون مغلق ياهوسدا وهو بابه اليستره يشعله چانون وماكفت متونه الحمل الضيوف عله صفاح المضايف ركّب متون ورجع بعدين خابر حصله بساع كله اشلون حالك وانته مسجون اشعجب ماخابرت مشتاگ احاچيك گله بلا رصيد يحصل اشلون ورصيد الزلم خلص كله للموت وضلو للمگابر بي يعبون والخط انگطع ماكمل وياه وماگطعو بچيهم همّه يبچون ورجع وده رساله وتم الارسال بس ما تمت الفرحه عله العيون ردتله الرساله وتنزف حروف تگله امريكا غاد وما يقبلون واحد للوطن يدخل بالاشواك تدخل باليذبحون ويفجرون ورجع بعدين خابر مره مرتين حصل وانگطع بس شد الضنون واخيرا حصلاه بس طلع مشغول طلع ينصب فواتح لليموتون | |
|